Еліміздегі сұранысқа ие ТОП-25 кәсіп анықталды

Еңбек ресурстарын дамыту орталығының сарапшылары кадрларға қажеттіліктің 2024-2030 жылдарға арналған орта мерзімді болжамын жасады. Оның шеңберінде таяу жылдары неғұрлым талап етілетін мамандықтардың ТОП-25 тобы айқындалды, деп хабарлады Elorda.info.

Сарапшылардың пікірінше, ең «қажет» мамандықтар тізімін, есепшілер, күзетшілер мен инкассаторлар, жүргізушілер, мұғалімдер, орта медициналық қызметкерлер және мектепке дейінгі білім беру мекемелеріндегі тәрбиешілер бастап тұр.

ТОП сұранысқа ие мамандықтар қазіргі Ұлттық кәсіптер жіктеуішіне негізделген және келесідей:

1. Есепшілер – 93 мың адам;

2. Күзетшілер, инкассаторлар және соған байланысты кәсіптер – 77 мың адам;

3. Дүкен сатушылары мен олардың көмекшілері – 77 мың адам;

4. Жүргізушілер мен автокөлік жүргізушілері – 44 мың адам;

5. Әлеуметтік ғылымдар бойынша орта мектеп мұғалімдері – 35 мың адам;

6. Күтім бойынша орташа медициналық персонал – 33 мың адам;

7. Мектепке дейінгі білім берудегі тәрбиешілер – 32 мың адам;

8. Жаратылыстану ғылымдары бойынша орта мектеп мұғалімдері – 31 мың адам;

9. Кеңсе қызметкерлері (жалпы бейіні) – 30 мың адам;

10. Бастауыш сынып мұғалімдері – 26 мың адам;

11. Мекемелердің, ұйымдар мен кәсіпорындардың бірінші басшылары – 24 мың адам;

12. Жылжымайтын мүлік және басқа мүлікпен операциялар жөніндегі агенттер – 24 мың адам;

13. Жүк көлігінің жүргізушілері – 24 мың адам;

14. Такси жүргізушілері – 19 мың адам;

15. Аспаздар – 19 мың адам;

16. Дәнекерлеушілер – 17 мың адам;

17. Фастфудтан басқа тез тамақтану мекемелеріндегі аспаздар – 17 мың адам;

18. Басқа орта мектеп мұғалімдері – 16 мың адам;

19. Құрылыс бөлімшелерінің басшылары – 15 мың адам;

20. Шаштараздар – 13 мың адам;

21. Құрылысшылар-монтажшылар, құрылысшылар-әрлеушілер, суретшілер бригадирлері – 13 мың адам;

22. Сантехниктер – 13 мың адам;

23. Математика ғылымдары бойынша орта мектеп мұғалімдері – 12 мың адам;

24. Аралас өнім өндіретін фермерлер мен жұмысшылар – 12 мың адам;

25. Автобус жүргізушілері – 12 мың адам.

Жалпы, орталық талдаушыларының болжамына сәйкес, базалық сценарийде жаңа жалдамалы жұмысшыларға сұраныс, оның ішінде жаңа сұраныс пен ауыстыру бойынша сұраныс жиынтығында 1,9 млн адамды құрайды.

Жаңа сұраныс экономикалық өсуге байланысты жалдамалы жұмысшылар санының өсуін білдіреді.

Мегаполистерде урбанизация және халықтың шоғырлануы жалғасады деп күтілуде. Осылайша, жалдамалы жұмысшыларға ең үлкен жиынтық сұраныс Астана мен республикалық маңызы бар Алматы және Шымкент қалаларында болады. Болжам бойынша, 7 жыл ішінде 3 мегаполистің жаңа жұмыс күшіне қажеттілігі 295-тен 574 мың адамға дейін, яғни сценарийге байланысты жалпы республикалық көрсеткіштің 25-26% -ын құрайды.  Жұмыс күшіне ең аз сұраныс қалыптасатын өңірлер ретінде орталық, шығыс және солтүстік облыстар аталып отыр.