Астанада автобустардың қозғалыс жылдамдығы төмендеді

Астанада ауа райының нашарлауына байланысты (қар, көктайғақ, боран) көлік ағындары мен қоғамдық көліктің қозғалыс жылдамдығы төмендеді, автобустар кешігіп жатыр, деп хабарлады Elorda.info.

Әсіресе, қоғамдық көлік жолағы жоқ жүктелген учаскелер автобус аралықтарының бұзылуына бейім.

Елорда жолдарында коммуналдық қызметтер күшейтілген режимде жұмыс істейді.

Барлық жол қозғалысына қатысушылар жолда мұқият болуға және бағдарларды алдын ала жоспарлауы қажет. Жүргізушілерді жолда мүмкіндігінше мұқият болуға, қауіпсіз қашықтықты сақтауға, жылдамдық режимін таңдауға, шұғыл тежеуді болдырмауға шақырамыз. Біздің компанияның диспетчерлік қызметі қаладағы қоғамдық көліктің қозғалысын онлайн режимде бақылайтынын атап өту қажет. Қазіргі уақытта диспетчерлер автобустардың 40 минутқа дейін кешігуін есептеп отыр, – делінген CTS компаниясының хабарламасында.