Астанада жеңіл атлетикадан Азия чемпионаты аяқталды

Астанада жабық кешенде жеңіл атлетикадан X Азия чемпионаты аяқталды. Бұл турнир біздің еліміздің тарихында тұңғыш рет өтті. Іс-шара жоғары деңгейде ұйымдастырылды, ал спортшылар лайықты өнер көрсетіп, ел үмітін ақтады, деп хабарлады Elorda.info.

Қазақстан құрамасының қоржынына 12 медаль түсті, оның 6-ауы алтын, 3-еуі күміс және 3-еуі қола.

Әйелдер құрамасы биіктікке секіру бойынша жеңіс тұғырынан көрінді. Желаяқтарымыз да жоғары нәтижелерге қол жеткізді.

4 метрден 400 метрге дейінгі эстафетада Қазақстанның ерлер және әйелдер командалары жеңімпаз атанса, сол қашықтықтағы жалғыз әйелдер жарысында Элина Михина бірінші келді. Дэвид Ефремов болса кедергілермен 60 метрді, ал Каролин Кипкируи 3000 метрді бірінші еңсеріп Азия чемпионы атанды.

Спортшыларымыздың бұл жетістіктері Қазақстанға медальдық есеп қорытындысы бойынша 2-орын биігінен көрінуге мүмкіндік берді. 1-орында Жапония құрамасы, ал Қатар командасы үздік үштікті түйіндеді.

Мен спортшыларымыз бен жанкүйерлерімізді лайықты нәтижемен құттықтаймын. Дәл осындай жарқын жеңістер жас спортшылар үшін керемет мотивация әрі елімізде жеңіл атлетиканың дұрыс бағытта келе жатқанының көрсеткіші деп білемін, – деді Мәдениет және спорт министрі Асхат Оралов.

Келесі Азия чемпионаты Тегеранда өтеді.